Diwani hii - inayosheheni mashairi kuhusu utamaduni, mapenzi, nasaha, siasa, mambo ya kinyumbani, n.k. - ilitungwa baina ya 1969 na 1972 ambapo mtunzi alikuwa kifungoni baada ya kupatikana na hatia ya kuwachochea watu ili waipindue Serikali ya Kenya kwa kutumia silaha. Kwa hivyo, unapoisoma diwani hii hutaweza kujizuia kuona athari ambayo kifungo huweza kuwa nayo kwa mfungwa.
Jambo la maana sana kuhusu diwani hii ni kwamba mtunzi ameweza kuzungumzia mambo ya kisasa, kama alivyofanya katika shairi la 'Usiniuwe!', bila kupotoka na kutafuta mifano ya kigeni. Hili ndilo lililompa Shihabuddin Chiraghdin, mmoja wa wataalamu mashuhuri wa lugha ya Kiswahili, kusema katika utangulizi wake kwamba, ingawa mtunzi ameingiliwa na athari za kigeni kwa ajili ya elimu aliyoipata shuleni, 'hakukubali kuzongwazongwa na athari hizo, hivyo mashairi yake hayana maingilio ya miundo ya kigeni hata chembe, na mawazo yake yote yameambatana na Uswahili na Uafrika kwa jumla'.
Kitabu hiki kitawafaa wale wapendao kusoma mashairi ya Kiswahili ya kiwango cha juu, na vilevile wanafunzi wa fasihi ya Kiswahili katika shule za sekondari na vyuo vikuu.
Hii ni diwani ya kwanza ya Abdilatif Abdalla. Mwandishi pia alitunga Utenzi wa Maisha ya Adamu na Hawaa. Abdilatif Abdalla, mtaalamu mtajika wa Kiswahili, amesomesha Lugha na Fasihi ya Kiswahili katika Chuo Kikuu cha Leipzig, Ujerumani kwa miaka 15 hadi mwaka 2011. Pia aliwahi kufanya kazi ya utangazaji katika Idhaa ya Kiswahili ya BBC, London. Kabla ya hapo, alikuwa Mtafiti Mwandamizi katika Taasisi ya Uchunguzi wa Kiswahili, Chuo Kikuu cha Dar es Salaam. Anaendelea na utafiti na uandishi, pamoja na kutoa mihadhara ya Kiswahili katika vyuo vikuu mbalimbali ulimwenguni.

Diwani hii ya Malenga Wapya imekusanya mashairi 37 ambayo yana ukwasi mkubwa wa fani na maudhui na yametumia mitindo mbalimbali ya mashairi ya Kiswahili. Malenga wetu hawa wapya wamejitahidi sana kuchora picha ambazo zinaakisi utamaduni wa Kiswahili na waswahili wenyewe.
Maudhui yaliyotawala katika mashairi haya ni pamoja na maswala ya ukombozi wa mwanamke, uonevu na umasikini, kilimo, ugumu wa maisha, usaliti, uzembe, misiba, mapenzi na demokrasia katika jamii.Mwishoni mwa kitabu hiki kuna orodha ndefu ya maneno na maana zake ambayo bila shaka yatakuwa hazina kubwa katika ufahamu wa mashairi haya.
Vitabu vingine vya mashairi katika mfululizo huu ni:
Malenga wa Mrima Malenga wa Mvita Malenga wa Vumba

Mchezo huu ni tafsiri ya mmojawapo wa michezo ya misiba iliyo mashuhuri iliyotungwa na yule mwandishi wa Kigiriki, Sofokile, kiasi cha miaka 420 kabla ya Kristo. Unatuwekea mbele yetu hadithi nzuri mno ya mfalme ambaye, pamoja na kuwa na moyo laini, ana ndweo ya kiburi cha kuzawa nacho. Kiburi hicho ndicho kinachompeleka kwenye kifo kiovu baada ya kumuua babake na kumuoa mamake bila ya kujua.
Katika tafsiri hii iliyofanywa kutokana na nakala kadha wa kadha za Kiingereza, Samuel Mushi ameuhifadhi ule moyo na tabia ya ushairi asilia wa Kigiriki na papo hapo akashikamana na mwendo wa ushairi wa Kiswahili kwa kadri inavyowezekana. Katika utangulizi wake anakokoteza kwamba ingawa mchezo huu ulitungwa kwa mujibu wa utamaduni wa Kigiriki wa kale, wahusika wake na hisia zao ni za kiulimwengu mzima na, kwa hivyo, mchezo wenyewe unaweza kuchezwa katika mazingira ya Kiafrika.
Samuel Mushi, mfasiri wa mchezo huu, alikuwa mwalimu wa Sayansi ya Siasa katika Chuo Kikuu cha Dar es Salaam. Alielimishwa katika vyuo vikuu vya Makerere, Berkeley na Yale, na alipata kuwa Mkuzaji wa Lugha na Tungo za Kiswahili katika Wizara ya Maendeleo na Utamaduni, Tanzania, toka Machi 1965 hadi Juni 1967.

This Usage Guide supports Level I readers. It suggests strategies for using the readers for both guided and independent reading.
The Usage Guide provides:
Core competencies, Pertinent and Contemporary Issues (PCIs) and values brought out in each story
Step-by-step guidance on how to use the readers to develop fluency and comprehension
Suggestions for listening and speaking activities
Suggestions for writing activities
Suggestions for creative activities
Suggestions for activities that can be done at home Answers to the activities in the readers.

Majaaliwa alipokutana na binadamu wenzake alitamani kujichimbia ardhini ajifiche. Waliicheka rangi yake 'iliyochujuka', kama walivyosema wenyewe. Walimhepa na kumkimbia kama mgonjwa wa ukoma! Wakati mwingine Majaaliwa alijutia majaaliwa aliyopewa, lakini alijijasiri akakabiliana nayo kiume. Aliyakabili kama vile simba jike mwenye hasira anavyomkabili adui, na hatimaye! Hatimaye ...
Ni Rangi Tu ni hadithi ya kusisismua iliyoandikwa kwa lugha sahili. Lugha ambayo inateka makini ya msomaji na kumfanya kutaka kuisoma mfululizo bila kukoma.
Ally Mtenzi, mwandishi wa hadithi hii ni naibu wa Mhariri Mkuu katika runinga ya K24, Shirika la Usambazaji habari la Media Max.