Iago anaapa kulipiza kisasi kwa kuivuruga ndoa ya Othello na Desdemona. Njia pekee ya kufanikisha lengo lake ni kumghilibu Othello kuwa mkewe ni mwasherati.
Je, Iago atafaulu katika azma yake? Je, Othello atazikubali hila za Iago? Endapo Othello atashawishika, atamchukulia hatua gani Desdemona?
Haya ni kati ya maswali anayoyajibu William Shakespeare katika tamthiliya hii ya tanzia inayoburudisha, kufunza na kukaidi mpito wa wakati. Tafsiri hii imeandikwa kwa ufundi mkubwa hivi kwamba ule mvuto na mnato wa kazi asilia umedumishwa.
Dkt. Ayub Mukhwana ni mhadhiri katika Idara ya Isimu na Lugha, Chuo Kikuu cha Nairobi. Dkt. Mukhwana amejizolea sifa katika fani ya tafsiri humu nchini na nje ya nchi.
Dkt. P. I. Iribemwangi ni mhadhiri mwandamizi katika Idara ya Isimu na Lugha, Chuo Kikuu cha Nairobi. Yeye ni mwandishi mwenye tajiriba pana katika fasihi ya Kiswahili, pamoja na kuwa ni mtaalamu katika tafsiri.